بعد الإنفصال.. هشام ربيع: بوسي موقفتش جنبي لما دخلت السجن

انفصل رجل الأعمال هشام ربيع والمطربة بوسي، بعد زواج دام عاما واحدا، وذلك بعدما تم حبسه بسببها لمدة 4 شهور، مشيرًا إلى أنها لم تقف بجانبه في محنته هذه.

وأكد هشام ربيع، كاشفًا الأسباب التي أدت بهما إلى الانفصال، قائلًا: إحنا من ساعة ما اتجوزنا والدنيا مش لطيفة ومش حلوة، والمشكلة اللي حصلتلي كانت بسببها واللي اتأذوا فيها كانوا ولادي ووالدتهم، ومحدش وقف جنبي غير أم ولادي وده اللي زعلني من بوسي، هي موقفتش جنبي خالص.

وأضاف هشام ربيع: ملقتش اللي كنت منتظره من بوسي، أنا اتسجنت بسببها أربع شهور وطبعا كانت قضية ملفقة، كانوا بيبتزوها وعايزين فلوس وأنا طبعا لن أسمح بده، فملاقوش قدامهم غير إنهم يعملولي مشكلة، وأنا ملقتهاش جنبي، فين الحب؟ أم ولادي كانت يوميًا بتنزل تتابع الشغل وتجيبلي أكل وهي في الآخر عيّلة عندها 30 سنة.