محمد فضل: الخطيب لم يعاتبني في أزمة كهربا

يرى محمد فضل نجم الاهلى ومنتخب مصر الأسبق ،أن رصيد محمود عبد المنعم كهربا لاعب الاهلى "قل" للغاية عند جماهير ناديه بسبب أزماته المتتالية ،وقال محمد فضل الذى حل ضيفاً على برنامج النجوم في رمضان مع الاذاعية نجلاء حلمى والناقد الرياضى محمد عراقى عبر أثير إذاعة الشباب والرياضة:"كابتن محمود الخطيب لم يعاتبنى في أزمة محمود كهربا لانها كانت أمامه ، وهو اخويا الصغير وقبلت اعتذاره في حضور العميد محمد مرجان".

ويضيف نجم الاهلى الأسبق :"نصيحتى لكهربا يلحق نفسه لان الرصيد بيقل وجمهور الاهلى زى مابيحب اوى بيزعل اوى ، لازم كهربا يشوف عمل كام مشكلة من ساعة مادخل الاهلى ، بالطبع مش كل الناس وحشة وانت برىء".

وتابع محمد فضل :" رصيد كهربا عند جمهور الاهلى دلوقتى غير قبل شهرين ، لازم يرجع يركز في الكورة لان ناس كتير جت الاهلى ولم تلتزم ومشيت ومحدش عرف عنهم حاجة".