الرئيس السيسي: «بلدنا قدمت 3000 شهيد وحوالي 13 ألف مصاب في موجة الإرهاب»

أجاب الرئيس عبد الفتاح السيسي على عدة أسئلة للأطفال والشباب من ذوى الهمم ، ضمن فقرة اسأل الرئيس خلال فعاليات احتفالية قادرون باختلاف.

ورد الرئيس السيسي على سؤال احد الشباب من قادرون باختلاف قائلا :"دايما أفكر في الدنيا التانية ويوم القيامة يوم لقاء ربنا سبحانه وتعالى .. بقول لكل اللي بيسمعني .. في اليوم ده احنا اللي هنقول يارب احنا لينا مكان معاهم؟.. المهم ياعمرو الخوف على مصر على طول دائم لكن في فترة 2011 و 2012 و14 ولما حصل الموجة الكبيرة من الإرهاب والتفجيرات بتاعت المساجد والكنائس ومديريات الأمن.. في الوقت ده كان أي حد يشوف مصر يقول خلاص يعني .. مش عاوز اجيب الذكريات دي غير اننا نفتكرها عشان نخلي بالنا.. في شباب في مصر كل مصري دفع تمن كبير أوى عشان البلد تبقى بالهدوء ده.. حافظوا على اللي ربنا سبحانه وتعالي وقف معانا فيه.. فيه شهداء 3000 شهيد وحوالي 13 الف مصاب إصابة مؤذية جدا.. الجيش والشرطة والدولة دفعت تمن كبير جدا للحفاظ على مصر".