حسام داغر: مش مبسوط من دور رجب في «اللعبة 3».. لو أعرف مكنتش دخلت تصوير من الأول

عبر الفنان حسام داغر عن استيائه من شخصية "رجب" التي يقدمها في الجزء الثالث من مسلسل "اللعبة.. اللعب مع الكبار".

كتب داغر عبر حسابه بموقع Facebook: "انا بحب شيكو جداً .. وبحب كاست اللعبه كله بشكل عام.. بس أنا مش مبسوط من دور رجب معاهم الجزء ده بسبب انه كان امتداد لدوره في الجزء التاني وووافقت علي الجزء الجديد علي كلام ووعد من المجموعه ان دور رجب مكمل بسبب النجاح الي حققته الشخصيه قبل كده و لاني ملتزم ادبيا بالشخصيه اني اكملها معاهم و انا صدقت كلامهم و دخلت التصوير علي الاساس ده و كان معانا عدد حلقات قليل .. لكن لقيت النتيجه غير كده و تواصلت مع المؤلف و فريق الكتابه و قلت لهم بالنص لو اعرف مكنتش دخلت تصوير من الاول … لكن انا مش زعلان لان الحمدلله الناس عارفه كويس مين حسام و عارفين شغلي عامل ازاي قبل كده و في نفس الوقت انا كنت متحمس للجزء التالت لما شيكو قالي انت احلي حاجه حصلت معايا في الجزء الي فات … انا حبيت بس اشاركم الي حصل خصوصاً ان دي اول مره تحصل معايا .. لكن لسه الواحد بيتعلم و هيفضل يتعلم".

يذكر أن مسلسل "اللعبة" من بطولة هشام ماجد، شيكو، مي كساب، ميرنا جميل، عارفة عبد الرسول، محمد ثروت، حسام داغر ومحمود حافظ، ومن إخراج معتز التوني، وبدأ عرضه مؤخرا على منصة "شاهد VIP".