رسالة دعم من إلهام شاهين لأنغام في أزمتها الصحية

وجهت الفنانة إلهام شاهين رسالة الي الفنانة أنغام بعد تعرضها لوعكة صحية، عبر صفحتها الرسمية بموقع التواصل الاجتماعي للصور والفيديوهات إنستجرام.

وكتبت الهام شاهين :"صديقتي الغالية .. الفنانة الجميله أنغام .. ألف سلامه حبيبتي .. ربنا يعطيكي الصحه ويحميكي من كل شر.. ونستمتع دايماً، بفنك الراقى و صوتك الرائع .. بحبك من كل قلبي و بتمنى لك كل الخير"

يذكر أن الدكتور وائل غفير، أستاذ الجراحة بطب قصر العيني والطبيب المعالج لأنغام كشف تطورات حالتها الصحية، وذلك في مداخلة هاتفية ببرنامج "الحكاية" المذاع على فضائية "mbc مصر".وقال الطبيب المعالج لأنغام: "نطمن جدا الحمد لله، الأمور بتتحسن كل يوم، النهاردة أحسن بكتير قوي من إمبارح وأول إمبارح، إحنا ماشيين في العلاج التحفظي، قدامنا يوم أو بالكتير اتنين، والأمور ترجع طبيعي إن شاء الله".وتابع: "هي كانت عاملة عملية أمراض نسا، وبعدين حصل التصاقات في الأمعاء مع مكان العملية، ودي حاجة بتحصل مع كل العمليات الجراحية اللي في البطن، الالتصاقات دي بتؤدي لانسداد معوي، بنعالجها علاج تحفظي، وهتفك، الأغلبية بتفك أكتر من 85% بيفك بالعلاج التحفظي، اللي هو تركيب الخرطوم من المناخير لغاية جوا المعدة، ومحاليل والدنيا بتفك، فيه طبعا نسبة صغيرة مش بتفك وبتستدعي تدخل جراحي تاني وإحنا مش بنفضله، على أساس إن العملية التانية برضه هي عملية، فممكن برضه تؤدي لالتصاقات فبنحاول على قد ما نقدر منعملش عمليات، وماشية الأمور بتتحسن