مش بقال ومش ببيع إبداعي.. مجدى إدريس يكشف سبب بعده عن الساحة الفنية

كشف الفنان مجدي إدريس سبب بعده عن الساحة الفنية قائلا: في فرق بين موجود ومتواجد أنا موجود، لكن بعيد عن الساحة الفنية لأسباب عديدة أنا مقتنع جدا باللي أنا فيه وعندي سلام نفسي جوايا وعارف أنا بعمل ايه، أنا معنديش مشكلة إني ادخل مسلسل كبير اعمل مشهد بس لازم المشهد يكون مؤثر والشخصية كويسة.

أضاف خلال حواره مع الإعلامية انجي هشام في برنامج المنسي عبر قناة هي: عدم وجودي سببه إن المسألة بقت صناعة لكن مينفعش تقولي تشتري بكام واقولك تعالى ده بكذا وده بكذا، يعني لما فنان يقولك تعالى دا منتج لا ممثل طيب عاوزني معاك على أساس إيه.

تابع : أنا بشتغل في العمل مش بشتغل مع فلان، أنا مش برفض إن فنان يقولي تعالى عايزك معايا دور لكن متصدريش إن تعالى فلان عايزك مينفعش بقرش جبنه وبقرش حلاوة في المهنة مينفعش مع احترامي لجميع المهن أنا فنان مش بقال ومش بنبيع إبداعنا.

ختم قائلا : أقبل دور لما يكونوا شايفين مجدي ادريس في الدور مش سد خانه ومش أي دور شر اة ماشي أنا بعمل الشر ولعبتي واعتقد اني بلعبها كويس ولعبت كمان كوميدي في المسرح والناس بتستغرب سايبين ده وماسكين في أدوار الشر طيب ماشي اوكي أنا لما بلعب أدوار الشر مفيش شخصية شبه التانية.

https://www.facebook.com/HYATVE/videos/1554616315344953/?mibextid=Nif5oz