فيديو .. عمرو أديب يكشف بـ الأرقام فبركة قنوات الإخوان عن الانتحار فى مصر

قال الإعلامى عمرو أديب، إن هناك بعض القنوات الأجنبية والإخوانية لا زالت مستمرة فى نغمة أن المصريين ينتحرون من القهر، والفقر وغيره.

وأضاف، خلال تقديمه برنامج "الحكاية"، والمذاع عبر قناة "MBC مصر" الفضائية : "لو بالأرقام الناس فى إنجلترا بتنتحر أكتر من اللى فى مصر، هل دا معناه إن الناس فى إنجلترا مقهورة، الناس فى سويسرا بتنتحر أكتر من اللى فى مصر، لو بالنسبة فعدد السكان فى مصر أكبر يبقى النسبة أقل".

وتابع عمرو أديب: "قناة زى بى بى سى، المفروض بتوع أرقام وإحصائيات، ايه الحكمة من تصدير أن البشر تنتحر فى مصر، انتو عرفتوا الشاب دا انتحر ليه وهم كام واحد ونسب الدول فى المنطقة العربية طبقا لعدد السكان والأبحاث الاجتماعية بتقول ايه؟ ولا إجابة لأى سؤال".

ولفت أديب إلى أن الهدف هو تصدير حالة من حالات اليأس، متابعا: "زى الفيديو اللى قصه أحمد منصور للرئيس، وطلع كله كدب ومقصوص، أنا مش ضد المعارضة ونقول لبعض حاجة غلط وصح، لو سمحت لما تقولى حاجة يكون فيها جزء من الحقيقة، بينما الافتراء والظلم والكذب حرام".